標題:
Sony Xperia Acro S 與 Galaxy S3
發問:
此文章來自奇摩知識+如有不便請留言告知
我想買新手機但係又發覺2部都唔錯, S3 好在新手機, 功能多又4核(快), 但係又對我而言太貴 ACRO S 好在3防, 而且又比S3平, 加上都算係新機 但係佢只係兩核 唉其實我都唔知4核快兩核幾多,而兩核又係咪都算係快 有冇人可以俾D意見我呀!? 更新: SONY XPERIA ACRO S 官方價$4598 我發現有水貨$3630 有冇問題? 而且我更發現有行貨低至$3890 同樣, S3 官方價為$5598 有水貨低至$4000買唔買得過? 更新 2: 其實如何我少用黎打機多數用黎上網睇片聽歌咁用邊部好?? 更新 3: 數漏左影相,因為ACRO S 有1200萬, 但S3 得800萬... 唉
最佳解答:
我會建議你買Sony Xperia Acro s. 係而家呢個硬件效能過剩既時代,四核未必有太大既優勢,因為絕大部份既軟件雙核已經可以應付.所以一般使用者買雙核手機已經足夠使用了. 其實多核不等於快.操作UI時的流暢度,反應.主要係取決於廠商對UI調整既優劣程度.例如hTC的Sensation XL,雖然佢只係單核心手機,但用家對佢既UI既流暢度卻讚不絕口.因此,從一般使用上,您係好難感受到四核心/雙核心的差別. 如果話四核行應用程式會快,呢個係的確.但暫時只限極度消耗資源的3D遊戲. 應用程式是否執行得流暢,同樣都取決於程式設計師對該牌子處理器的優化. 市面上有好多唔同牌子既手機處理器(Qualccom,Ax ,samsung,TI,Tegra) 每個處理器都有唔同既特性.呢個時候,程式優化就非常重要. 就好似砌模型咁,當您有本說明書,砌起上黎都得心應手,比冇說明書快好多,而且有條理. 反之,四核心的耗電程度快得難以想像.雙核已經耗電,咁四核會點?SONY曾經講過,2012年佢地唔會推出四核心手機,原因同上. 還有就是散熱問題,手機不像電腦,有獨立風扇可以幫助處理器散熱.而家市面上既四核機種,當佢地全速運作時,分分鐘上到60度,還有部份會因過熱而無法充電. 經過以上既證明,四核心暫時未係成熟既產品,所以我都係建議您買番雙核手機. 以上兩部手機,我都認為買番行貨比較好.始終水貨冇保養,加上維修都成問題.所以買番行貨可以有番個保證. 影相方面,請放心買SONY,佢影相既功能/技術和質素都非常出名.就連S3既相機鏡頭都係向SONY入貨,咁您認為買邊隻好? 講左咁多,其實最終揀邊隻由您決定.我只係俾左少少觀念同埋意見,希望幫到您.
其他解答:
水貨平$1600(即 7折)，你都會覺得有問題喇。還用問? 行貨85折，相信很大機會是SHOWROOM貨，是否選擇就見仁見智喇。|||||其實兩核都算快~你不如要Acro S
留言列表
